Hapi i parë: zgjedhja e një dege studimi

Punë Sociale apo Shkenca edukimi, Administrim i shërbimeve sociale apo gjerontologji, administrim i transformimit apo shkenca kulturore, mësuesi apo diçka tjetër / Në Universitetin e Vechtas gjeni programin që doni.

Hapi i dytë: qartësimi i kritereve të pranimit

Ne ju informojmë nëse i përmbushni kriteret e pranimit para se të bëni aplikimin për një degë studimi.

Na bëni me dije se çfarë doni të studioni sidhe na dërgoni me e-mail një kopje të diplomës së shkollës së mesme, ose të shkollës së lartë (në rastin e studimeve master) në gjuhën angleze ose gjermane. Nëse jeni në Gjermani, mund të rezervoni edhe një takim personalisht me ne për të sqaruar pyetjet tuaja.

Në këtë mënyrë mund të informoheni në kohë nëse i plotësoni kushtet e pranimit. Kështu keni mjaftueshëm kohë për të planifikuar hapat e mëtejshëm.

Hapi i tretë: mësoni gjermanisht për të përvetësuar një certifikatë të gjuhës gjermane

Për t’u pranuar në një degë studimi ju duhet një certifikatë e gjuhës gjermane në nivelin C1, për shembull, TestDaF, Telc C1 Hochschule, DSH-2 ose Goethe Zertifikat C2.

Nëse keni njohuri në gjuhën gjermane në nivelin C1, të cilat i keni përftuar duke ndjekur një kurs gjuhësor në C1, mund të pranoheni në një degë studimi me anë të një vërtetimi për ndjekjen e një kursi; sidoqoftë duhet të dorëzoni certifikatën e gjuhës në fund të semestrit të parë.

Për studentë që janë të insteresuar për të studiuar në Universitetin e Vechtas ofrojmë edhe kurse përgatitore të gjuhës gjermane.

Hapi i katërt: aplikimi për një program studimi

Aplikimet për një degë studimi bëhen në portalin e aplikimeve të Universitetit të Vechtas. Portali i aplikimeve online hapet në fillim të qershorit.

Nëse diploma me të cilën kryeni aplikimin nuk është në gjuhën angleze apo gjermane, ju nevoitet që ta përktheni.

Afati i aplikimit për pjesën më të madhe të degëve të studimit mbyllet me 30 shtator. Sidoqoftë, rekomandohet të aplikoni më herët në mënyrë që të keni mjaftueshëm kohë për të kryer formalitete të tjera si viza, finanzimi i studimeve, kërkimi i një banese, etj.

Hapi i pestë: aplikimi për një vizë studentore

Për të studiuar në Gjermani ju duhet një vizë studentore. Sigurohuni të lini në kohë një takim në ambasadën gjermane përkatëse. Si rregull ju duhet vërtetimi i pranimit në universitet sidhe një vërtetim për mbulimin e shpenzimeve gjatë studimeve, si për shembull një llogari bankare e bllokuar apo vërtetim mbi përfitimin e një burse. Detaje të mëtejshme i gjeni në faqen e internetit të ambasadës apo konsullatës përkatëse.

Hapi i gjashtë: planifikimi i fillimit të studimeve.

Qoftë kërkimi për një banesë, sigurimi shëndetësor, regjistrimi në universitet, organizimi i studimeve, aplikimi për Deutschlandstipendium (bursë( apo kërkimi i një pune përgjatë studimeve, zyra internacionale ju informon për çdo gjë sidhe organizon evente të shumta mbi këto tema.

Universiteti

Universiteti i Vechtas është një universitet shtetëror me programe studimi të akredituara dhe një traditë të gjatë akademike. I vogël dhe modern, universiteti i Vechtas njihet për ide inovative, punö nö grupe tö vogla, sidhe këshillim individual.

Qyteti

Qyteti i Vechtas është një qytet universitar që shtrihet në zemër të Saksonisë së ulët, në një zonë të fuqishme ekonomike në Gjermaninë perëndimore.

Në rank ndërkombëtar, Gjermania është një nga vendet më të sigurta në botë. Gjermania është një republikë demokratike ku mbizotëron forca e ligjit. Këtu jetojnë njerëz nga e gjithë bota.

Vechta kombinon hijeshinö rurale me atmosferën familiare, afër qyteteve më të mëdha si Bremen, Oldenburg dhe Osnabrück. Vechta dallohet për një treg pune dinamik, rrugë të shkurtra dhe banesa me çmime të përballueshme.

mbështetje

International Office ju përgjigjet çdo pyetje që keni mbi studimet dhe ju mbështet nga përtatitja për të studiuar deri në kalimin në tregun e punës